अख्तियार दुरुपयोग अनुसन्धान आयोगले एक प्रमुख प्रशासकीय अधिकृतलाई रंगेहात पक्राउ गरेको छ । आयोगका अनुसार महोत्तरी जिल्लाका सोनमा गाउँपालिकाका प्रमुख प्रशासकीय अधिकृत श्रीदेव यादवलाई ७२ हजार घुससहित पक्राउ गरेको हो ।
बिज्ञापन
यादवले सडक ढलान योजनाको कार्य सम्पन्न पश्चात भुक्तानी गर्ने क्रममा विभिन्न बहाना बनाई दुःख हैरानी दिई सेवाग्राहीसँग घुसररिसवत माग गरेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बर्दिवासबाट खटिई गएको टोलीले यादवलाई सेवाग्राहीबाट बहत्तर हजार रुपैयाँ घुस तथा रिसवत लिइसकेको अवस्थामा नियन्त्रणमा लिइएको जनाएको छ ।
बिज्ञापन
आयोगले यादवलाई भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा बिगो ७२ हजार बिगो कायम गरी भ्रष्टाचार निवारण ऐन, २०५९ को दफा ३ को उपदफा (१) को ख बमोजिम कैद र जरिवानाको माग सहित आज विशेषमा मुद्धा लगेको हो ।
बिज्ञापन
